終於睇完兩場攣到爆，兩次都帶比我唔同感覺...
第一場真係好緊張又興奮，所以好多野都冇咩經大腦去諗，傻下傻下咁就完左..
今日睇第二場，好明顯個人冷靜左d，嘗試站係Michael個角度去看整個故事..
睇完後第一個感覺是：
就算不是基佬，劇中事情是每個人都有機會遇到，甚至經歷過..
但就係因為鐘意個個係男人，所以受到的傷害要比其他人多，要咁卑躬屈膝，面對唔到所有人....
講番個劇先～
Michael果三段情~~
第一段: PUPPY LOVE BBH VS LBB
呢段故事普通，
但就最鐘意阿祖打電話比BBH個樣，"喂~~~~BBN呀....."
超可愛~~
第二段: 壞男人 KEN WONG
呢段係睇到我最心嗡
尢其當Michael提到佢同KEN WONG已墜入愛河，
但最後發覺原來只不過自己係一條叫KEN WONG RIVER度遇溺
Michael做盡所有野都挽留唔到呢個男人
最後只得到一句：當我地之間冇發生過....
後來兩人再度遇上，Michael明知唔可以跟佢入房仔
正如佢自己所講，再跟佢入去，就會連唯一尊嚴都會冇埋
但無奈地，Michael像要放棄自己般，
一步一步地跟著那個曾令自己要生要死的男人......
阿祖個下關門動作到慢慢地脫下毛巾...
配埋林憶蓮首"沒結果"，真係好到肉，我呢段真係喊左出黎
但估唔到阿祖會爆句 : 下世啦!!下世同你再傳奇啦!! 笑死~
第三段: 真心人 林志健
講到林志健入左醫院個段，
Michael話:如果我鐘意個個係女人，係咪就會咩問題都會冇哂
當一個自己愛０既人訓係醫院度，但竟然唔可以係佢床邊陪住佢，
原因唔係你愛佢多或少問題，只不過因為兩個都係男人，所以唔可以！！超悲哀～
今日阿祖做呢段投入過上次，雖然今日把聲冇咁好，但個FEEL超正呀～加油！！
仲有一開始個時講到Michael愈黎愈依賴林志健個度:
"喂～林志健～～我食飽飯啦～～～快ｄ幫我抹嘴～～～～THANK YOU" haha~~超掂
《論盡基佬阿媽》
黃文慧做阿媽當然正啦，淨係把聲都撐哂場
阿菲就真係比阿祖搶哂鏡，但要提下佢唱歌真係好好聽～撐！！
Edmond就果然正，尢其今日，兩個大笑位，笑到我~~
壓軸戲當然係《基米高》啦～～
由一個以基為榮的明星～基米高 去show盡基佬生活態度
完全估唔到阿祖真係可以去到咁鬼盡～～
最搞笑係佢同蝦頭個段："佢叫你去做女警呀～～"
同話度身訂造套"男兒當入樽"比一峰做～～笑爆！！
攣到爆主題曲 梁祖堯"一個"
曾聽過幾句情歌 給我多少寄望
期待遇上一個 建築小小童話國
世界不會停頓片刻 給我空間去面對結果
狂熱地無奈地已犠牲
遺下我獨個學到太多
誰伴我 誰是我心魔
誰令我 看清楚每一張臉 沒有非愛不可
誰負我 誰為我更多
長路裡心結縱解不了
共你走過都不錯
曾唱過幾句情歌 於快感中碰撞
平衡就算快將失去 都不算甚麼
試過幾次盲目探險 死蔭幽谷裡沒法翻身
臨崖勒馬如像酒醒了
遺下我獨個面對更多
開心過 沉默過
也犠牲過 結果...
仍記得幾句情歌 能為我雪中送火
一個尚算不錯
留言列表
