睇完感覺，四個字
笑中有淚
雖然話係”笑中有淚”，又冇喊得出咁嚴重
只係會諗番起阿婆彌留時係醫院個種感覺
個心好似比好多舊石壓住咁，呼吸好困難，但想喊又喊唔出
個個坐哂係度唔出聲，唔知講咩好
但我阿婆好幸運，
彌留時所有仔女都係哂身邊陪住佢，送佢最後一程
係劇入面，最鐘意就係阿風呢個”萍水相逢”角色
雖然佢同呢個家庭一D關係都冇，但原來佢先係最清楚成件事的一個人
他的出現，不但舒緩左劇中各人情緒，
亦間接令到看似疏離但又緊密的一家三口(或四口)
再次重新去評估對方於自己心目中的位置
其中有一段我好鐘意
阿賢走左去行船，時常將佢於船上遇到的事，錄成錄音帶寄比詠儀
例如: 天上的星星、海中的海豚、空中的海鷗等
但詠儀當時完全冇理解到父親的心意，只是埋怨著他撇下她們去左行船
就等同彭五用左成副身家打造左十二粒金送比家中長子嫡孫
表現出老一輩的家長雖然很痛錫自己的子女，想將最好的東西留給他們
但又不懂得用個心去表現出來，造成種種”誤解”~
演員方面簡直掂啦~
陳永泉及姚潤敏:
淨係睇過佢地套”徘徊在纏綿時份”，仲要係未睇哂~hehe
但兩個真係好得，比到個感覺真係好似一對三十年夫婦
兩個都好似好憎對方咁，但當於有困難時，兩人都好願意去扶持對方
最愛終於都係對方
陳永泉外型完全切合角色，但最衰把聲唔太清楚，聽得有D辛苦
而姚潤敏呢，我諗佢點都冇劇中角色咁大年紀，但都做得真係好師奶
於病房中那一段獨白好感動~
一個女人求咩呀，只係要一個錫自己0既人之嘛~~~
仲有一樣，佢個外型同D動靜真係好似我舅母~ha
胡麗英:
她一直比我0既感覺係傻下傻下個款
今次佢做呢個認真少少角色，
雖然唔夠搶，但反而多左一種滄桑味道係度，唔知點解~
**好後悔上次冇去睇西遊**
朱栢康:
完全唔認識
之前都成日聽到人話佢做戲好掂
睇完之後，”真係幾得喎~”
個場有佢，就會好吸引到觀眾目光~
仲有仲有，開場有一段講”爭論”及”鬧交”的分別
寫得幾好…..好掂!!!
令到我明白到唔好隨便”勸交”~~~哈哈
正呀~黃詠詩
留言列表
