海下灣－小琳無限公司

今日放假, 同媽咪去左郊遊...

目的地: 西貢海下灣

早上11:30左右出發, 由沙田坐巴士到西貢, 再由西貢坐小巴去海下...
足足兩個鐘, 即13:30先到!!!!
坐車坐到暈左~~~

海下灣沿途同都係山路, 兩旁都十分多植物, 陰陰暗暗的....
又唔係太多人, 所以都唔係行得太自在.....

中途行左落碼頭, 聽人講話有小艇可以出海睇珊瑚
大叔一開價HKD$120-
但D人話多數HKD$30-40一位就得, 所以我地返價HKD$100-
點知阿叔都係企硬!!!!
算!!!唔睇~~~

大約行多20分鐘左右, 見唔太對路, 所以都係決定"回航"!!!!
回程途中行左落沙灘, 嘩!!D水真係好清, 見底~~
成個沙灘又冇人, 好FEEL~~~~~~~~

行左一個鐘, 14:30就坐番車出西貢市集~~
順勢試下阿姨成日話好食的海南雞飯, 因資料不足, 終走入一間叫"滿泰".........
但其實都唔知係咪呢間, 雞飯HKD$26, 不過不失啦!!!
超碼唔係雪雞呀~~

最係仲係岸邊小艇買左HKD$40一份的蝦同HKD$20四隻的三點蟹
中途見到大部分艇家都有墨魚賣, 隻隻都好大隻, 我會好唔忍心食佢地......
買完就坐車回程, 結束今日0既郊遊活動!!!

總括黎講, 要我坐咁耐車, 景又唔算好靚, 真係有D失望......