小琳無限公司

台灣之行成行度 ~ 10%

上年盈姐捱義氣同我去左日本一轉...

今年終於輪到佢啦!!!

~~11月台灣四天遊~~

講就講左轉成個月啦,

到昨日終於決定左11月11日出發......

咁要去旅行, 第一樣梗係請假先啦~~

諗住老闆一返來就"隊"張假紙比佢簽....

點先一早就好好火氣, 不停地炮轟佢個親愛的妹妹!!!

雖然我好心涼, 但都係唔好惹佢住...

到左下晝先知道原來老闆"瀨"左鑊"堅料", 唔怪得知啦~~

臨放工諗住填定張假紙先, 老闆突然在我身後閃出...

老: "請假呀???"
琳: "係呀, 得唔得呀????"
老: "年尾先放???"
琳: "咁你睇下先啦, 再覆我放唔放得啦~~~" (以退為進呀....)
老: "放得, 幾時有唔比你放0架~~我都成日放假啦~~~"
琳: "好呀...."
老: "放得咁奇怪0既...D日子...."
琳: "係...呀......有d野要搞....可能會過台灣呀........"
老: "哦~~~~~"  (飄走~~~)

OK~~第一步完成!!!

而家等盈姐拎埋假就行啦!!!嘩哈哈~~~~

**點解我好似仲興奮過發起人呢??????**

好~~~又要洗一筆啦!!!!

北海道基金....