小琳無限公司

真係忍受唔到啦!!!
d死人頭髮又長又厚又亂，今日一定要去剪!!!!!

你地鐘唔鐘意剪頭髮0架??

我就剪完之後就鐘意, 但就唔鐘意剪頭髮過程
成日一諗到要剪頭髮就會好憂慮, 真係好煩~~

可能我對髮型方面冇咩研究，來來去去都係0個個樣~
好記得應該得六、七歲時候，有一次去剪頭髮，比個爛鬼”髮型師”話我喎!!!
因為0個時我都仲係一個”自閉”0既小朋友，
所以係超級怕羞，完全唔同陌生人講野。
咁0岩個次阿媽冇坐係我隔離，當個爛鬼髮型師走過黎問”點呀?想點剪呀?”
我咪話”唔知呀~~~”兼且即刻碌大個眼週圍搵阿媽。
咁佢就話啦”有冇搞錯呀你，個頭你0架嘛，自己想點剪都唔知!!!!”
最終都係由阿媽幫我解圍~~~

但自始之後，都好怕去剪頭髮~~~真唔得掂

我仲記得有次，應該仲細D0架，老豆帶左我去葵芳剪頭髮，
因細個個時多數都係剪短兼剷青，就係因為剷青，
點知比個死人剷剷爛左耳仔，係塊面同個耳珠位中間個度，起碼剷開2-3cm，

即刻流哂血!!!!!!

唉………………………………………………………………………

仲冇諗到去邊度剪好呢~~~~~