請唔好誤會我係搵人...
其實張志良係我細佬個名，但只不過我呢個細佬係冇出到世0者~~
但不需要疑惑，佢亦都唔係大吉利是夭折個種，只係我老豆老母冇生0者
話說尋日同老母傾傾下計，佢竟然話我知，
係我好細個個時，成日都會叫佢 "快D生個張志良比我....."
我咪話0羅 "點解我會識得改張志良呢個名???"
阿媽又答 "點知你呀...梗係阿女麻教你講0架啦!!!!!"
真笑死~~
如果個時張志良真係出到世，唔知我會變成點呢???
我係一個獨生女，好彩老豆老母冇縱我，
所以自問唔算好刁蠻，係有時細路仔D，有D自閉咁啦...
如果有個細佬 / 細妹，我諗我一定好好好好錫佢，因我本身係超鐘意小朋友
不過算啦，個細佬 / 細妹乖就話0者，如果變左條頂心衫咁頂住哂咪仲死...
全站熱搜
留言列表
