一早起床, 當然又是吃早餐的時候啦~
因我留意到酒店對面有一間"永和豆漿"店舖...
而媽咪也曾說過"永和豆漿"的豆漿及栥飯滿好吃的~
那當然要試一試啦!
因正值上班時間, 已有很多人正在等候~
我們也乖乖地排隊, 各自買了豆漿及栥飯回酒店進食~~
評語: 始終栥飯都是即叫即做, 當然好食啦~
而豆漿就不是難飲, 只是....他們用那種"MK式"的封杯機器來封杯,
始終有點兒.....
返回酒店房開完餐之後,
我們就要作最後檢查,
因今日已經是我們離開台北的日子~
我們先到前台退房, 再將行李放在酒店大堂,
因我們已買了於酒店去台北機場的巴士券,
所以最終目的地都是酒店~方便!!
無行李一身輕的我們, 又如常到穿過西門町~
時間尚早, 所有店舖未開, 路邊只有數個車仔檔~
突然, 站在路中心的我們, 聽到背後有電單車聲,
我們就下意識地行向行人路方向,
點知電單車原來又轉向我們相同方向。
果然, 就撞上啦~
我就只是被電單車個手把撞到個背脊...
而盈姐同電單車姐姐就雙雙撞到趺左係度~
電單車姐姐都好有心~
立即落車睇下盈姐有無事~
好彩, 只係擦傷左少少~
好時高運~
無事就當然繼續行程啦~
今天第一站 - 故宮博物館!!
我們先搭地鐵到士林站, 再乘紅30到故宮博物館門口~ 很方便!!
買入場卷時, "青年旅遊卡"又再發揮作用~
半價!! 只需台幣$80-!! 抵!!
上次到訪時, 還在大裝修中, 到處都是地盤~
今次到訪, 見到已經差不多裝修完畢~
入內參觀, 其實展品都同上次差唔多, 不同的只是展館內已不可以再影相啦~
好彩上次已經影了那舊肥豬玉同瘦白菜~
大約行了兩個鐘左右啦~
我們又再起程去尋找LUNCH的故事~
在台灣最後一餐, 當然要食地道野, 所以決定去食永康街馳名的牛肉麵~
估唔到永康街真係咁難搵~
我 + 盈姐 + 地圖 + NDS台灣觀光地圖都唔得~
我諗都有搵左差唔多成個鐘, 終於見到牛肉麵舖出現於我地面前啦~
餓死, 即時叫左一碗牛肉麵~
嘩, 真係好好味!! 絕對係我係台灣食過最好食的牛肉麵~
牛肉同牛根炆得好"冧", 湯底好濃味, 而且所用的又是我愛吃的白色上海麵~
仲有最抵讚的就是每枱都有一大碗雪菜任食, 撈麵一流!!!!
簡直係極品~ 真係諗起都想食呀!!!!
咁辛苦先來到永康街, 點會食碗麵就走人呀~
當然要試埋鼎鼎大名的"永康冰館"啦~
不知是否因為下午才到, 出名的多芒果的芒果奶冰已經售罄......
我又唔鐘意食奇異果同士多啤梨喎~
最終決定試試他的柑桔冰!!
嘩~ 雖然都好好食,
但食完真係盲公都曉開眼~
好酸!!!
好啦~
LUNCH食完, 甜品又食完啦~
我地就要正式踏上歸途啦~
先去老天祿拎昨晚訂好的鴨舌.....
之後就回東龍, 等待飛狗的回程巴士啦~
經過一個多小時車程, 我們又返回機場啦~
快手CHECK IN, 過海關, 行過書店仲要買左本衛斯理睇,
只需99台幣, 入面仲包括兩個故事, 抵睇~
途中仲遇上台北機場的HELLO KITTY候機室~
大約八點幾就上機, 十一點前已經返到香港啦~
就係咁結束了四日三晚的台北之旅啦~
留言列表
