小琳無限公司

10.10.2008  金曜日  晴 - 雨- 晴 - 雨

一早起身, 見到個天終於停雨~
所以快手食完早餐, 就立即把握時間前往"地獄谷"~

我地先經過極樂街~

再次到達地獄谷門口~

男左女右?

地獄谷門口的紅葉~

放在地獄谷門口的熊牧場宣傳標本~

終於到達門口~

我們沿著相中的行人道前往盡頭位置......

盡頭有一個好似井的地方, 每隔1分鐘左右就會爆發一次!!

呢舊東西就係爆完之後位於井底的結晶鮑魚擦~

真係估唔到要去到登別先可以睇到較為紅的紅葉~
不過都叫做睇到, 滿足啦~

沿著極樂街返回酒店取行李, 便準備乘坐巴士返回登別站~

回到車站, 剛巧見到有巴士正在上客.....
我地當然立即跟住上車啦~

點知一上到車, 車長就嘰嘰喳喳地同我講野~
因顧住搬兩件行李上車, 所以未留意到佢講咩......
一回神, 先知道呢架車唔係使用整理券~
原來係要買車飛先得....
唯有再次落車買車飛啦~

但其實都唔知有咩分別.....
咪又係一樣價錢....
咪又係一樣將車飛入錢箱.....
你收我錢都係一樣0者, 做咩係要我買飛.......
真奇怪~

回到車站, 本來安排了去登別海洋館睇著名的企鵝巡遊....
但返到車站同時, 個天又開始落雨啦~
因唔知會唔會取消企鵝巡遊, 而且入場費又唔平喎~
所以都係決定唔去囉~

唔去的話即係又要改早點車離開登別啦~
時刻表表示, 原來10分鐘後有車會由登別出發...
我地當然即刻去窗口改車飛啦~

點知原來指定席都好full, 所以指定席的話我地要分開坐.....
不過都無所謂啦,
橫掂我地可以先去自由席搵下有無連座....
真係無的話先去指定席囉~

去到月台等車期間....
因指定席同自由席係相反方向.....
當我地向自由席方向前進時....
突然有一把聲大叫, "HEY, MS!!!!!"

我地向聲音方向望過去...
點知原來係同我地改車飛個位車長......
"HEY, MS!!!!! こっち~~~~~~~~~"
並同時指向指定席方向.......

真係估唔到會比車長"監視"?

我地唯有點一下頭....
但就繼續向自由席方向行過去.....
忽視車長真係唔應該啦.....我地!

車到啦~
好彩自由席有連位, 而且後面就已經係行李架~
唔係再塞入兩舊磚入自己個位度啦~
LUCKY~ ^^

大約兩小時車程, 我地終於到達今次旅程最後一站 - 函館~

於北海道最後一晚酒店 ~ 車站旁的東橫INN!!

第一個任務, 當然先去放底行李啦~
去到前台, 先比左張PRINT OUT比姐姐做CHECK IN~
點知.....
姐姐同我講......
你呢張係CANCEL 0既 CONFIRMATION黎喎!!!!

吓!!!
CANCEL!!!!
死啦~
唔通我CANCEL左唔記得BOOK番??
立即問姐姐有無屬於我個名的BOOKING......
好彩............有!!!
原來係我PRINT錯左0者~~~~
真係嚇得我呀~
幾驚今晚無酒店住呀~~~ >0<

搞掂後已經過了中午時間,
又要去搵食啦~

酒店咁近海鮮市場, 最好的選擇當然係魚生飯啦~

嘩!!!!!!!!!!

嘩!!!!!!!!!! 嘩!!!!!!!!!!

嘩!!!!!!!!!! 嘩!!!!!!!!!! 嘩!!!!!!!!!!

我地選擇了其中一間舖頭.....

款款都十分之新鮮~
新鮮到北寄貝上枱時仲識郁~~~~
但出奇地海膽竟然唔好食...有點失望...><

仲要唔貴, 以上兩款都係大約千五YEN左右~
抵食兼滿足!! ^0^

食完飯, 又係車站附近行下....

但附近只係得一些舊式SHOPPING MALL, 唔大興趣....
所以最終都係返回車站附近的手信店行下.....
順便睇定有咩手信可以聽日買~

提到北海道手信當然唔可以少得呢樣啦~

我係行程都只係於小樽見過一次~
但小樽需要連埋一堆不知名小食, 仲要賣成千幾YEN一份......
梗係唔比佢呃啦~

今次見到可以逐盒逐盒買~
但限定每人只可以買一盒..........
所以我同琳媽當然唔執輸啦....兩盒唔該~~

返回酒店稍作休息.....
我地又要繼續我地0既行程!!

去得函館點可以少得去函館山睇夜景~

但當我地準備出發時.....
個天梗係唔鐘意我地啦~
因為.......又落雨啦~ 噢 NO~~~~

因已經打定輸數會睇唔到夜景.....
所以選擇了較平的方法上山, 最終睇唔到的話都唔駛蝕得咁慘嘛~~

我地就係毛毛雨中等候由站前巴士站開出的函館山登山巴士~
車費單程位位360YEN~

估唔到只係30分鐘左右車程的巴士,
都會安排一位巴士小姐於車上作沿途介紹~
而且於上山期間, 巴士還有於山路上的避車處停一停,
等乘客可以從其他角度去欣賞一下函館市的夜景~ 讚!!

"

我地好好彩~
上到山不但上停了雨, 而且仲一點霧都無~
睇下個夜景幾靚, 個天幾清~ ^^

雖然夜景真係好靚~
但真係唔逗留得耐......因山頂實在太凍啦~ >w<

所以行完展望台, 行完手信店,
我地就撘番登山巴士返回函館站~

無聊一影之函館巴士整理券及360YEN~ 哈哈~

由於車站附近食肆都已經關門囉~
所以最後一餐晚餐我地又要係便利店搞掂.....

好~
明天就係最後一日啦~~~~~~
好唔捨得呀~~~~~~~~~~~~~~~~~~~~~~~~~~~~~~~~~~~~~~~~T0T






好, 繼續同鄉四人組番外篇:
繼昨日的經歷後....
估唔到今日早上也目擊到他們的行為.......
早餐時候因他們也坐在我們附近....
見到他們接近食完之際....
其中一位同鄉步向水機方向......
竟然見到他用水機位置的水壺直接將水倒入他的水樽內.....
OH MY GOD~

雖然我知道早餐係自助餐形式, 水當然可以任飲.......
但都唔駛咁樣掛.....
而且每間房都設有暖水壺可以煮水,
要水的話咪自己慢慢煲完攤凍再入樽囉~
我都係咁啦, 仲用佢地D免費茶包沖茶添.......

老實講, 買支水都係百幾YEN之嘛...........
好心唔好咁失禮啦~ ><