不知係咪同行最近生意唔多好
壓力大
一個星期內撞正兩個同行
自己做錯野仲要大大聲鬧番我轉頭~
真係老夫子話齋 - 耐人尋味!!!
第一個:
三個月前幫了客人訂七月的package
同月已比左deposit
六月再比埋balance
點知比完尾數之後一日, 即係上星期二, 個客才詢問
如果想取消的話, 要幾多錢罰款
我當然即時打去旅行社問, 誰知原本幫我跟開同事原來已經離職
那我唯有將要問的問題話了給接電話的同行A聽,
同行A就話同行B會稍後回覆我~
因我都怕言語上會有錯誤, 所以即時再補多封email過去,
"My Client maybe need to cancel the package,
Please help to check the penalty first, thanks."
夠清楚啦~
第二日, 同行B終於回覆我.....
但佢竟然寫住: "The package already cancelled, and the penalty is HKD300."
吓~ CANCELLED!!
即時打電話過去, 叫佢無論如何都要重新再做過booking先啦~
仲叫佢有事即刻致電給我~
之後同行B一直都無聯絡我,
而在我立場, 我當然唔可以主動地催個客.......
難道同個客講~
"喂, 人地cancel左你booking喎, 你係咪真係會取消0架?"
無理由的嘛~
所以我都只可以好被動地等個客回覆我~
等到星期五上晝, 同行B & 客兩邊都無反應~
在我安全之計, 我當然send多個eamil給同行B, 通知他一聲,
客人暫時都未有任何動靜, 提醒他要keep住個booking~
到了同日下晝, 終於收到客人通知可以正式取消,
頓時放下心頭大石, 並即時打給同行B, 心想可以通知他唔駛煩啦~
點知一打到去, 同佢講話我客人確定取消啦,
諗住大家都可以鬆一口氣之際.....
佢竟然一句質埋黎: 你個立場可唔可以清晰D呀?
我即刻無名火起!!!
我幾時有唔清晰過!!!
由一開始我都無講過要取消, 係你自己叻唔切, 恰下恰下取消左~
又關我咩事~
總之條友仔一輪咀係度鬧, 但所有都係歪理, 仲要以為大聲過人就係自己0岩~
我由佢嘈.......最後我話唔好講咁多啦, 幾時可以REFUND番?
點知佢仲要"CUP"我線~!!!!!!!
離哂譜!!!!!
到今日為止都未有回覆, 佢試下唔覆, 我真係去TIC投訴佢~
橫掂email同錄音我齊哂, 我真係怕佢有牙!!!!
仲有第二個:
今早收了一個酒店訂單, 循例打去酒店問價
拎左個房價, 報左比客, 客ok, send RO 訂房,
但因為個客係PRC, 所以暫時只有中文名, 未有英文拼音~
而個客話會稍後補番比我~
所以當我打張RO去酒店時, 都加多一句
"will inform you the Englist name later"
Sales confirm 收到我張RO, 咁我就等佢地回覆confirmation給我~
點知之後就收到酒店電話, 話RO有錯, 首先:
酒: 當日房價唔同, 要多30蚊先0岩
琳: 房價你同事報, 我點知
酒: 邊個報比你
琳: 同行C囉
酒: 同行C? 我咪係囉, 但我無印象早上有報過價喎
琳: 咁你有冇同事係類似名
酒: 咁又無.....
琳: 咪係囉
酒: 但係房價真係唔0岩喎
琳: (我開始妏) 我公司有錄音, 駛唔駛比番你聽
酒: (立即轉呔) 咁我問下可唔可做到呢個價錢比你
好~ 又睇下你點覆~
隔左一陣, 再打番黎:
酒: 問左啦~ 我地都係hold唔到房比你
琳: 點解
酒: 因為你個客無英文拼音
琳: OK! 英文拼音0者, 我即刻問
酒: 都唔得喎! 我都仲要你地公司用信用咭做guarantee喎
琳: 我地負責比錢喎~ 做咩仲要信用咭做guarantee?
酒: 一定要
琳: 我已經同個客比哂錢, 點解仲要做guarantee.......
我個客入住個時碌佢個張咪得囉~
酒: 總之唔做guarantee就唔可以hold房
琳: 咁好奇怪喎
酒: 不如咁啦, 你幾點仲係公司, 我再覆你....
或者你留個手提比我都得~
好~ 又再睇下你點覆~
晚上七晚幾, 無來電顯示, 知係佢, 所以唔聽, 因唔想無電話錄音情況下同佢傾.....
留下留言:
因為你無英文拼音同無信用咭做guarantee, 所以我唔可以hold房比你,
有需要你就call番我地啦~
雖然我唔係專責做酒店, 但四年來都做過酒店booking,
even這間酒店都係三個月前先合作過,
當時仲要係10幾房住3晚, 差不多三萬多生意
雖然唔多, 但佢都不需我做guarantee啦~
今次只係1房1晚, 八百蚊, 仲要我做guarantee, 無野呀!!
就算香港其他酒店我都真係未試過一樣情況囉~
全部都係入住前付款就可以啦~
而且我已經表明我會同個客付全數,
就算客人最終no show, 酒店都無損失啦~
好明顯以上所發生的問題, 根本就係因為同行C報錯價所引致~
報錯價, 唔想收我order, 所以諗住用盡方法reject我~
所以我已經決定聽日會去打佢酒店投訴部~
問清楚旅行社訂房係咪真係要做guarantee先可以訂~
唉, d人真係開始癲0架啦~
留言列表
