小琳無限公司

事情叫做暫時停下來......
但這場持久戰還需要你們繼續支持的~
轉換一下心情....
今日就寫下其他野緩和一下吧~^^



估唔到第一次去日本HMV訂野, 竟然係訂佢地..........

第一次認識佢地係因為羞恥心
一開始只覺得.....嘩, 少年隊呀!!
老土的歌, 老土的打歌服, 仲要唱得唔好聽, 心諗: 點會紅呀~

直至盈姐介紹我睇ヘキサゴンII
先開始真正留意佢地三個~

雖然三人蠢到無藥可救 (但其實我都好懷疑係真蠢定扮蠢囉)~
但起初對上地那個可愛的笑容, 還有那種到令人不可理喻的天然度,
仲要時常篤正我死穴 - 成日戴黑框眼鏡~ >0<
我承認起初係先被上地雄輔個樣吸引住!!!

但越睇得多, 越覺得唔可以再比d靚仔迷惑......
成日恃住自己靚仔, 濫用佢0既向日葵笑容去殺女~

例如佢上歌番組, 唱live當然少不免啦...
但每當聽到走音位, 就只會見到佢用笑容黎遮醜, no good~

老實講, 今次隻碟, 除左向日葵之外, 其他兩首都真係麻麻~
但呢個傻仔原來已經開始錄緊第二隻single, 希望今次唔會淨驚無喜啦~ ^^

決定唔比靚仔迷惑後, 不知不覺間就將注意力移向Leaderつるの剛士身上~
(唔通我有leader迷戀症!??!?!?)

爸爸雖然過左三十歲先成為idol, 不但有老婆, 仲有三個仔女,
但佢從來無隱瞞過自己身分, 還要好proud of自己係一個既婚者~
仲時常在番組上大曬自己的家庭事~

好記得有一次羞恥心成立初期,
三人上ヘキサゴンII時還要著住那套老土打歌服,
被紳助教訓佢: 你著得起羞恥心件衫, 你就係一個idol, 你係唔可以有老婆的~
但佢好快就答番紳助: 但我真係好愛我老婆喎~

在日本這個大男人世界中,
還有一個男人可以大庭廣眾大叫自己係一個愛妻號;
訴說自己因在幼稚園內看到長子表演而大哭等事宜~

試問日本藝能界有幾多個人可以講得出咁肉麻的說話~
而我亦都係鐘意佢所經營的好男人形象~

而且除了ヘキサゴンII, 還留意到原來佢有上藝人唱歌比賽, 又唱得ok喎~
尢其聽到佢的手本名曲 - M, 真係聽幾多次都好毛管楝~
所以今次的"つるのうた"果然無令人失望~

期待爸爸下一隻"つるのおと"可以快d出就好啦~ ^0^