好後悔咁遲先愛上舞台劇....................
一來真係錯過左好多好好睇既舞台劇,二來原來D學生飛係平好多架
知就個時睇多D啦~~
而家睇親都起碼過百以上一張~~~貴
記得第一次睇現場舞台劇,應該係好多年前既"仲夏夜狂想曲",足足浪費左我HKD$360-
當時真係諗住"齋"睇明星.......
中間時間,都冇再接觸過舞台劇。
最多都係睇個D少之有少既舞台劇VCD或改篇舞台劇既電影。
直到上年,終於再次入場睇舞台劇。
係香港話劇團既"求証",首先劇情吸引左我,再者四個主角之中,三個都係我鐘意既演員
點可以唔睇呢~~
睇完呢次之後,開始慢慢愛上現場睇舞台劇既興趣,
因我喜歡睇現場由表演者與觀眾之間個種交流,
而每次表演者不同的演繹,可令你感受到不同的感覺
本來想去睇"梁祝下世傳奇",但因太貴同時間關係,最終冇去睇到,
到新年時出左DVD,當然即刻去買黎睇啦~~
本來主要係想睇何韻詩架,點知睇完,竟然被飾演劇中下世萊斯既"阿祖"梁祖堯吸引住我
所以06年1月至4月,每個月我都去睇舞台劇,套套都有祖架,HEHEHE
21/1/2006 <<大汗推拿>> 陳淑儀、梁祖堯、邵美君、楊詩敏
25/2/2006 <<公主復仇記>> 黃詠詩、彭秀慧、梁祖堯
22, 25/3/2006 <<攣到爆>> 梁祖堯主演
28/4/2006 <<你咪理,我愛你,死未?>> 梁祖堯、邵美君、湯駿業、楊詩敏
全站熱搜
留言列表