小琳無限公司

尋日一共睇左兩個SHOW，夜晚就去左睇"關於我關淑怡演唱會"

我地呢Ｄ"窮等人家"，當然買一百蚊飛，點知好衰唔衰坐最後個行，仲要對住個男廁

好彩，開始左之後，發現前幾行有幾個"吉位"，當然以最快速度衝落去，正好多～！

好！講番個演唱會先～

不嬲都好鐘意關淑怡，當然唔係DEAR HARD FANS個種啦～～（人地好細咋）

鐘意關淑怡，係因為好鐘意佢個把又好聽又特別0既聲～～

成個SHOW都好正，係Ｄ聲就散左Ｄ，所以都聽得唔係好清楚～～

有兩PART好鐘意～

1. 關淑怡最尾唱"人生可有知己"，Ｄ燈光效果好靚，另因為我本身好鐘意呢首歌

2. ENCORE時關淑怡唱多一次"難得有情人"，唱到第二段關淑怡開始喊到唱唔到落去，

    全場一齊唱落去， 睇過咁多次演唱會，今次真係最大聲最感動的一次～～

仲有呀，今日雖然有一峰，明哥同草蜢做嘉賓，但真係有Ｄ失望～

一峰：型、正～但唱得一首咁少，唔夠喉～

明哥：本來最期待，但真係失望。首先明哥個LOOK ，黑超銀褸銀鞋黑褲，真係有點．．．．

         另外同關淑怡合唱又唔太掂，甩哂咀～＞０＜

草蜢：本身對佢地都冇咩FEEL，一個字~"姣"爆～～～～

總括而言，我係覺得今次關淑怡比上次林憶蓮好睇Ｄ～