今次我終於擺脫到"睇舞台劇會遲到"0既命運,
但都有D危,1315出發,都要1445先到
唔通仲有少少邪邪地~HAHAHA,啋!!!!!!!!!!!
今次個場係"香港藝術中心麥高利小劇場",真係"小",三面台,每面大約30-40個位左右,
演員表演範圍約600-700呎左右啦,超爆CLOSE
約1445到左,已經見到5,6個人等緊入場,
因我係選擇到場先拎飛,所以即刻撲去COUNTER度,
細心留意,原來坐COUNTER個個係萊斯黎0架,驚喜~
佢好有禮貌又可愛咁問"係咪拎飛0架?、"請問貴姓?"。
順利拎左飛之後,我就跟住個5,6個人一齊等入場。
大約三點正開始入場,我就選擇左正面台第三行最左位置,因冇人阻住視線嘛。
約1515左右正式開始,詳細劇情就唔多講啦,
因同電影版劇情相同,只不過有D場景唔同姐~
今次我最最欣賞0既係個場景布置,因場細所以都十分簡單,
有一個固定連櫃桶0既馬騮架,絕對係冇形容錯,三個演員一開始就不停地穿插其中
另還有兩個可郁動的長方形架,就係靠呢兩個長方形架表現左好多場景,
例如超市中的貨物架、房中衣櫃門、所有房門大門等~~好鐘意
演員方面,當然最愛還是梁祖堯啦。
佢除左負責男主角"KEN"之外,所有其他出現人物都係佢負責,
例如學校校長、打小人阿婆、診所姑娘、配鎖匙阿叔、猴頭菇SALES阿娟等..
但最正都係個隻芝華華混老虎狗0既狗,勁抵死
就係因為佢要負責咁多身份,所以角色與角色之間佢都會企係布景後面,到佢個時先出現,
我覺得佢配合得好正。
不過最勁都係超市個場,阿祖要"KEN"同"猴頭菇SALES阿娟"搭住做,GREAT
另兩位女主角:黃詠詩飾演周筱蘭,彭秀慧飾演陳蕙貞,兩位都做得好好~~
但雖然個劇本係黃詠詩有份寫,但我反而覺得彭秀慧做得好少少,表現到個種感覺出D,
尢其兩個女主角坐係度講番以前男朋友點賤個段,彭秀慧超正
又總括而言,舞台劇係好睇過電影版好好好好好好好多~~可能我唔鐘意"阿嬌"啦
雖然完左之後有座談會,但因趕住下場,唯有忍痛離開
離開時,見到萊斯又企左係COUNTER度呼籲D觀眾填問卷:
"麻煩大家幫幫手填寫番份問卷呀,您地0既意見對我地好重要0架,唔該哂"
阿祖有一個咁愛佢0既人,真係幸福
尋日阿祖個樣好似好累下,仲有幾聲咳添,希望佢快D養好身體,期待三月個兩場"攣到爆"~~
題外話:今場竟然見到杜汶澤同彭浩翔一齊黎睇,仲同我坐同一行~杜汶澤真係幾大件頭
留言列表