小琳無限公司

尋日去睇左"頭注香"啦~~
冇失望，笑足全場~
今次終於睇到BEN現場演出啦~

今次想睇，主要係因為個劇情頗吸引
而且有BEN同盧俊豪做，所以點都想去睇下~

首先講下個場景，總共分左三層，
除用好多樓梯穿插而成，全場仲用左大量櫃桶。
但主要場景都集中左下層及中層，未能用盡整個場景。

劇情方面，掂啦~
D笑料都好鬼好笑，好地道~~~
仲估唔到連"巴士阿叔"名句都用理，潮
仲有"詹培"中國假髮廠~哈

演員方面:
講下BEN先~
太少啦~後段先出得多D~~
掂呀~
太開心啦~睇到佢做現場
個感覺好真實，好似真係見到個真0既執達吏封緊屋咁~
但估唔到佢最尾個段失左少少手~
ANYWAY，我仲會繼續去睇你0架~~加油~~

盧俊豪
都係出得太少啦~
而且今次做得略為浮誇左少少，尢其套衫.....
之前睇佢做其他都OK，但今次，真係.....O咀囉~
加油~~
BEN同盧俊豪今次0既表演係完全對立左，
如果係一齊出0既場景就OK囉，但獨立淨睇盧俊豪就真係誇左d啦~

尢其盧智燊真係好得，一人分幾角，把聲好掂~
而劉浩翔都OK，平平穩穩，但D戲就唔夠盧智燊搶~
但好合拍呀佢地兩個~
GOOD SHOW~

其他配角~
李家強~
其實佢都算係第三男主角，由頭帶到落尾，都好好笑~
個FEEL好似"撞板風流"個POKER史~
可能個造型影響掛~

Wannapat Suranant~(泰藉演員)
好得意呀佢~
導演絕對選擇正確~
泰文真係會令人一聽就覺得好好笑，仲要加埋佢個把嗲兩人0既聲~~可愛

雖然第一次睇中英，但感覺好好~
我諗我都會去睇埋"芳草校園"同"孤星淚"~~~~
希望都一樣好睇啦~~

小琳隨影:
由尖沙咀搭船去中環時影~