唉~頭先寫左一大段野，唔小心del左~~~~~~
老土~
其實呢五日呢，頭三日至正^^
一日浸兩次溫泉，連酒店房個浴室都唔駛用
但唔知點解呢，d溫泉酒店冇冷氣0架
明明開左冷氣呢，個冷氣會出暖氣，變態～～～
仲有呢～
明知去日本浸溫泉一定要除哂衫，起初都有少少尷尬
但其實一去到，根本都冇人理你～
只要你自己唔介意就ＯＫ啦～
係有時反而撞番Ｄ香港人呀台灣人呀
一聽到你係講中文，就會牛咁眼咁望住你～
奇怪～
仙台景點～五色沼
當日睇唔到五種色，但d景色都ok靚～
尢其後面個雪山都好靚～
第一晚自助晚餐～SABUSABU
唔好以為只係得一味，係其中一味0者～～
第二天午餐～蟹宴
嘩～呢餐真係幾好食，ｄ蟹好好好好甜～
但衰左ｄ天婦羅凍左ｄ～
士多啤梨場～３０分鐘任食
不嬲唔鐘意食士多啤梨，但係呢度食呢ｄ，真係一ｄ都唔酸0架～
甜到不得之了～
仲有呀～甜士多啤梨唔係一定個樣靚，有時一ｄ冇咁靚仔先至最正～～～
第二晚酒店～大觀莊溫泉酒店 房外景色
景色就靚呀～
但呢度ｄ酒店房同溫泉真係唔多掂～
第二晚自助晚餐～天婦羅及剌身
盛惠ＨＫＤ＄１５０一位～
Ｄ牡丹蝦剌身又大又甜～
Ｄ天婦羅即炸即食～～正！！！
南瓜天婦羅超甜～正！！正！！
海鷗船餵海鷗食蝦條～～
好可愛0架～
一大群追住你0架～～
有時你慢得濟，仲定飛等你～
小岩井農場～揸牛奶
睇唔睇到隻牛啤到實一實呀～HAHA^^
小岩井農場～大羊棚
好可愛0架～
有好多唔同種類羊羊～～
咩！！！！！！！！！！！！！！！
小岩井農場～新鮮牛奶
臨走攝於成田機場
花～～
最愛呢張＾０＾
自己手信～
蟹～～～盛惠２３００yen，超抵！！
講開呢隻蟹就好笑
因我地係最尾一日朝早自己走左去上野買
行入間超級市場，望住各種各類0既蟹
心諗"死啦～點同佢講想買蟹番香港呢？？"
企左係度１５分鐘，終於下定決心用我十分有限的日文去問
與蟹佬經過一輪明與唔明之間的對話
知道原來要先去cashier買一個發泡膠"冷藏盒"，盛惠750yen~
再買多幾包保冷劑，一包100yen~
搞完一輪後，拎住個"冷藏盒"走番去蟹佬度揀蟹
揀完就pack箱，再去比錢~
比完錢先發覺，蟹佬pack好箱先拎去cashier，咪冇計到D保冷劑錢，都成幾百yen架～哈哈
又因為我地買蟹過左３０００yen，有一張抽獎卷
行緊去抽獎個時，心諗"呀～會唔會好似睇小新個ｄ抽獎咁，有個六角形箱搞下搞下個ｄ呢？？"
行到去，真係咁樣呀～
搞下搞下，碌左粒紅色波子出黎～
獎品係～一包魷魚同100yen卷！！！！LUCKY！！！！
DOMO KUN~
千辛萬苦終於搵到佢啦～～
呢隻只係其中一件咋～哈哈～～～
青蛙散子包～～
盛惠300yen~
一見到就覺得好好好好好可愛～～～
留言列表
