25/9/2006 (月) 晴 小琳: 37.5度
因張床實在太好訓的關係, 我地差唔多成0930先出酒店門口
酒店免費早餐只供應至早上0830, 好明顯出門第一件事當然係搵食啦!!!
1030左右, 首先到達必到景點 - 竹下通, 中途走左入間"樓下舖"食烏冬...
先選烏冬湯底, 大中小, 再自助揀配料, 550yen搞掂~~
食得飽飽, 再向竹下通進發, 可能仲早, 雖然有八成舖頭開左, 但都唔係好多人....
途中都係腳痕上左去黃牛舖昅一昅, 嘩, 比02年個時大左好多呀.....smap個櫃~~~
飛起碼多三倍都有, 價錢又唔算好貴, 真係唔知算好定唔算啦~~~
現場仲有兩位相信是韓國fans討論緊買咩飛好....
跟住當然係本日重要行程啦 - Johnny Shop!!!!!
由竹下通行番出原宿站再左轉, 不消五分鐘便可到達~~
臨入小巷時留意到右手邊有人排緊隊, 唔理啦~~
由小巷轉入去, 仲心想: 真好, 沿途都冇人!!!
冇人就奇啦~~麻煩你出番路口排隊等入場
0岩啦, 即係係臨入小巷右手邊你見到個條隊...........
唉, 我黎日本唔係為左排隊0架.........
足足等左半個鐘, 分段式入場終於輪到我啦~~~~~
諗住衝入去即刻抄no.即刻排隊比錢, 但.......你做咩帶我落B1呀????
B1都有相賣, 但全都係我完全唔認識0既人,
首先, 三十幾人迫係一個二百呎0既地方, 真係焗到傻左,
仲要排多次隊先可以上番地面, 我真係暈啦~~
好不容易, 終於上番去, 當然要搵番SMAP所在地, 上次黎佢地係神台位,
今次幾好呀, 落番黎, 仲有個玻璃櫃鑲住添。快快手手揀完, 再排隧比錢。
任務完成時間為1小時30分鐘。
真係對阿盈唔住, 要佢坐係出面等左我咁耐, SORRY~~~~~
本來跟住節目係去NHK見DOMO KUN, 但因Johnny Shop超時關係,
唯有忍痛取消, (泣|||||)
直接前往首次東京旅遊必到景點 - 淺草雷門觀音寺~~
因阿盈第一次去東京, 所以安排左黎淺草行下, 行下仲世見, 但今次去觀音寺見佢拉哂布裝修緊,
所以行左一陣, 買左少少手信, 就出發去台場。
本來諗住搭船去台場, 但知道航行時間要成個鐘, 費用仲唔平, 所以都係決定搭車去方便。
搭到去JR新橋站, 再轉乘無人駕駛列車 - 百合海鷗號前往首站~AQUA CITY
因阿盈想去買Agnes B袋, 點知唔0岩款, 唯有轉移陣地。
往Venus Fort前, 本來冇諗住去富士電視台, 但都係腳痕行左落去睇下有咩買/睇。
舖頭就冇咩好買, 本來睇下西遊記d精品, 但真係唔係好得, 所以...放棄!!!!
但好彩腳痕咋, 原來富士電視台入面竟然有一間我尋日搵左好耐0既舖頭 - LAWSON~~
當然我唔係要買野食/飲, 其實我係要LAWSON入面個部可以購買入場券0既機械,
因我後後日去0既地方就係要靠呢部機買飛, 咩地方就賣個關子先啦~~~~
行到埋去, 好明顯我係唔識點搞, 唯有是但捉個姐姐, 用本書指住我想去個個地方,
姐姐可能都唔係好識, 但都好比心機嘗試, 雖然都最係都係唔得,
但都叫左另一位姐姐幫我地手。
又一輪雞同鴨講之後, 比錢, 搞掂, 又完成了一件煩事啦~~~~~~
再坐車前往Venus Fort, 入到去第一個感覺, "嘩, 好暗呀~~"
今次就輪到我買野啦, 近期迷上"graniph"的我, 當然都要去入下貨啦~~~
Venus Fort間舖唔算好大, 快手地立兩件, 跟住比錢,
又係顯示日本人服務態度0既時候啦.....
只係幫襯左4200yen的我,
Sales都會十分殷勤地送我出門口再加一個鞠躬!!! (雖然只係兩三步距離)
之後再去Palette Town, 因我想去坐個摩天輪,
但因去到個時個天仲未黑, 所以都冇坐到......
我同阿盈都唔係會"大出血"0既人, 台場呢個shopping mall都唔係好0岩我地,
所以行左一陣就決定回航啦~~~
回程中, 因盈仲未買到Agnes B, 我就醒起上次去過京成百貨,
都好似有一間Agnes B, 所以決定去昅下。
最終盈都買到佢想要0既袋, 本來我都想買0架,
但要成15000yen, 始終都係唔捨得, 唯有忍痛放棄啦~~~
最後我買埋媽咪個Burberry銀包就番酒店啦~~~
晚餐當然係偉大的"松屋"啦~~~~~~(真悶|||| 但冇錢就係咁黎啦~~~~~~)
盡快休息, 準備明天的迪士尼之旅~~ (0黎迪士尼做足準備.....嘔~~)
つづく
留言列表
