26/9/2006 (火) 雨 小琳: 37.5度
今日重點活動就係 - 迪士尼樂園啦~~~~~~
我對上個次去已經係98年啦, 都冇咩印象啦, 淨係記得不停地自己一個人玩"巨雷山"~~傻!!!
但天公不造美, 一出門口已經下著微微雨, 但已買左飛關係, 冇辦法之下, 唯有硬著頭皮去啦~~
好彩我地都預左有呢一著, 出發前盈已準備左每人一件便利雨褸, 以防不時之需。
明知迪士尼內消費高昂, 出發前我地當然先於便利店買定d乾糧/飲品入園享用啦~~~
乘坐JR京葉線前往舞濱站, 雖然係下雨天,
但人都真係唔少, OL有, 小朋友又有, 但係平日黎0架喎~~
所以呢, 我成日懷疑日本係咪有一條不成文規定,
係可以以去迪士尼玩為理由請假.....費解?????
到達後, 先於車站食野醫肚, 再出發。
依照下著毛毛雨, 但唔算大, 所以戴頂帽就快步到行去門口入場~~~~~
一入到門口, 突然比一個女捉住左, 她一輪咀地講左一堆日文,
我唯有用日文講左句: 我係香港黎的。
見佢即刻停左口, 跟住十分快手地從佢個後褲袋度拎左一張紙出黎,
原來係中文版問卷, 佢先指住"您從哪裡來?", 再指"您第幾次來?"。
答完佢呢兩條問題, 佢就遞左一張野比我。
原來係張米奇postcard 張postcard仲好巴閉地寫住係"非賣品",
但貪心的我仲以為會有d咩小禮物添.....postcard......
入到園內, 首先見到space mountain唔係好駛排隊, 當然衝去玩左先啦~~
跟住周圍行, 見到有小型巡遊, 原來迪士尼做緊萬聖節special,
全部卡通人物都著哂萬聖節服裝, 好可愛~
我都係第一次睇巡遊, 因平時等d人走左去睇巡遊,
我就會走去排隊玩機動遊戲, 少d人嘛.....
我地再去玩巴斯光年 (同香港一樣)、winnie the poon (唔同香港行軌0架, 超可愛~)、
小飛俠 (同ET一樣玩法)等等。反而園內人唔算太多。
雨越落越大, 不消一會, 全身連cap帽都已經濕哂, 唯有穿上準備定的"便利雨褸"~~~
下午時間, 因忍受不住車仔檔0既"煙雞脾"香味, 乖乖奉上645yen, 但又真係幾好食~~
但因實左太大雨同我又開始發冷, 越玩越冇心機, 所以玩埋拎左fastpass 0既幽靈公寓,
買理少少紀念品, 大約15:00, 兩人撤退~~~
之後我地決定去秋葉原行街, 畢竟二手野先係我地兩人0既"飛佛"~~
去到秋葉原已經大約17:00, 天色已開始轉黑, 但雨完全冇停下來意思。
因我地只準備了每人一件"便利雨褸", 到達秋葉原後,
先於車站前的便利店購入透明雨傘, 盛惠450yen, 真係好過去搶......
果然秋葉原先0岩我地, 我地見舖頭就入, 見樓上就上, 我諗足足行左兩個鐘都有.....
盈買到佢想買番0既舊game, 我都買左我搵左好耐0既"塊魂", 仲好平添~~~hehe
滿足完購買欲, 但食欲尚未滿足。
兩人就走左上shopping mall頂樓搵野食,
最後選擇左一間係食"釜"0既地方, 我食左個蟹肉釜, 都要成千幾yen呀~~~~
係等緊食期間, 先得閒摷下自己個袋, 大鑊, 入哂水~~~~~~~~~~~~~~~~~~~~~~~~~~~
即刻倒哂d野出黎, 好彩相機冇事, 書同notes都濕左成半, 事但啦........
但再執個電話出黎, OMG, 鏡頭入哂水。
蠢到冇人有0既我, 仲夠膽死去開機, 開就開到, 但鏡頭已用唔到.............
即時心情DOWN到谷底!!!!!!!!!!!!!!
食左飯, 徒步返回酒店途中, 竟然發覺有一間二手店出現我地面前,
當然唔執輸到入內參觀, 兵分兩路, 我去睇DVD, 盈繼續佢0既尋GAME之旅~~~
DVD區竟然比我發覺"有頂天"同"NIN X NIN", 經過一輪掙扎後, 最終由"NIN X NIN"勝出~~
因"NIN X NIN"內慎吾都係主角, 而且係舊片始終又平D嘛!!!
最終比錢時, 仲由1480yen減至1100yen, 更抵!!!!!
由於全日都係雨天關係, 我地所有衫都濕哂, 所以當晚節目就係洗衫啦~~~
首先係前台買梘粉, 再用放入洗衣機洗, 後再放上面的乾衣機乾, 所以程序都係100yen一次,
但部乾衣機最呃錢, 乾足兩次都只係乾得六七成, 唯有拎番入房吹啦......
仲有個爛鬼電話, 食飯個時咪開左0既,
番到酒店終於自己熄左機兼成機發熱, 好明顯已"燒壞腦"啦!!!!
唉, 唔理佢lu~~~
搞掂後快手休息, 迎接明天SMAP之旅~~~~~
つづく
留言列表
