小琳無限公司

02.10.2008  木曜日  晴

準時九點離開池袋SUPER HOTEL!!
以往一拖住行李就代表著要離開.....
但今次拖行李就唔同啦~
意味著另一個新旅程正等待我們....

期待已久的北海道之旅終於要揭開序幕啦~

我們先從池袋乘JR到濱松町, 再轉乘Tokyo Monorail直達羽田空港~
估唔到由濱松町去羽田空港風景好靚......好有台場FEEL~
因為大家都係架空鐵路來的~
車廂內仲特別設計全部座位係面向窗, 讓你可以慢慢欣賞~

終於到達羽田空港啦~
果然比起成田空港更大更新更靚~
ANA真利害, 一字排開全都是他們的COUNTER~

一堆堆自助CHECK IN MACHINE......
一個個CHECK IN行李0既COUNTER......
唔.....都係去RECEPTION問下穩陣D啦~
入到RECEPTION, 其實我都知道姐姐叫我地出番去自己做CHECK IN~
但姐姐都好好人, 最終都幫我地做埋BOARDING PASS~

果然日本係先進D~
每張BOARDING PASS上都會有一個BAR CODE碼,
無論寄行李, 安檢, 上機, 只要嘟一嘟, 萬事OK~
真方便~

順利寄完行李後, 當然要搵野食啦~
食飽就當然要周圍行下消化下啦~

行下行下, 我地兩個走左去展望台~
睇下........幾多飛機!! 仲要清一色ANA~~

還遇上星星牛!!!

雖然係內陸機, 但安檢一樣做到足~
首先門口放置了一張長枱同一堆透明膠兜.....
先將身上雜物放入膠兜, 再同手提行李過X光~
佢仲有個機器好好笑~
支水唔駛開蓋, 就咁隔空放係部機上面就可以分辨出是否危險品.....
真係唔知佢以咩做基準?

準時上機, 乘搭比我地由香港去東京更大的飛機.....
準時到達札幌千歲機場~~

北海道~~~~~~
我終於到啦!!!!! 嘩哈哈!!!!!!!!!!!!!!!

興奮莫明的兩人!!!
未有即時乘車返回札幌市中心......
反而去了千歲機場附近的Rera Outlet, 去睇下出唔出到血嘛~~~~

在寒風中大約等了15分鐘, 免費穿梭巴士終於到達啦~
兩個傻人又要夾手夾腳搬兩件大行李上車!! 真係嚇親車長~

一上車當然即時拎番張地圖...
因地方又大, 天色又開始黑啦, 所以我們必需要簡化"行程"......

但其實行左一陣......
我地已經知道唔駛擔心......
因除左ABC-MART之外......都真係無咩0岩我地睇.........
我們各自買了一對波鞋及在Levi's買了件恤衫比大少就離開啦~

拜拜!!!

摸黑返回南千歲JR站, 乘JR返回札幌, 再轉地鐵前往今晚落腳地~
SUPER HOTEL again!!!
門口真係難搵左少少....
竟然要係一個停車場入口抄小路先入去到.....
但請留意個停車場唔係屬於酒店的!!

不過好彩因為係新開張, 內裡都仲十分之新淨,
而且只需6,800yen便可以住一晚~ 抵到爛啦!!!
就算因貪平book左吸煙房, 但其實真係一點點煙味都無~
滿意!!!!

即時放底行李~
當然立即坐地鐵返回札幌JR站搵食啦~

我決定今日一定要食一次!!!
今餐一早已經鎖定要去"札幌拉麵共和國"..........旁的Pepper Lunch!!!!
因東京內的分店實在太難搵啦~

時值晚上八時左右.....
店內一位客人都沒有, 而且職員好似已經開始緊清潔工作......
心想"唔通我地太遲??"之際, 小姐已招呼我地入內........好彩!!!

快手order了兩個牛肉set....靜靜等待佢地來臨........
終於到啦~
以下係完成圖!!!
但其實未完成之前, 分別都只不過牛肉還是紅色而已..........

其實我對牛肉無咩研究, 普通牛肉同靚牛肉就更加唔曉分~
所以品嚐過完都覺得ok好食~
鐵板夠火氣, 仲可以自己反下反下都幾好玩呀!!
但我發覺原來好食唔但止牛肉, 仲有上方的粗身芽菜~~
係鐵板上連同牛肉兜兩兜, 吸收哂肉汁, 再用來撈飯食, 正爆!!!!!!!!!

食飽飽, 趁仲有少少時間, 師奶仔當然要行下超級市場~
因為接近閉店時間, 所以熟食市場個邊做緊大特價~
雖然食到好飽, 但見到呢位老朋友.......
真係好難唔對佢下毒手嘛~~~~

特價品~ 只需300yen~~~~~~yeah!!!

之後仲行左去海鮮個邊, 壽司唔講啦.......
你估下一隻原價2,500yen的毛蟹可以減價至幾錢??
2,000yen???
1,500yen??
1,000yen?
答案係: 只需900yen!!!!!!UNBELIEVABLE!!!!!!!! 慘叫中!!!!!!!!!!!!!!!!!!!!!!!!

奈何個肚真係無位再容納佢, 唯有忍痛與毛蟹說一聲......GOODBYE!!!!!!!!

今日就係由我同佢的短暫相會而作一個終結吧!!
後會有期啦~~毛蟹兄!!!!!!!!