小琳無限公司

30.09.2008  火曜日  陰→雨

我最期待的日子來啦~
《super.mondern.artistic.performance》in *Tokyo Dome Final*
事隔兩年, 同一場地, 同一月份, 同一個位置, 我地又可以重逢啦~

但演唱會於18:00先開始, 今次又唔需要到場外求票....
所以上午就與琳媽於附近逛逛~

是日九點許起身, 因趕唔到SUPER HOTEL的早餐...
所以於房內簡單食個飯團就出發啦~

今天首站就係去吉祥寺.....
雖然上次同盈姐都有到過, 但都只係由三鷹至下北澤的中途站而已,
所以今次就帶同琳媽再去行下~

一出車站, 我地就先走入井之頭公園....
我上次都只係外圍經過咋....

井之頭公園果然真係大.....
我地圍住園中的人工湖慢慢地行了一圈, 都差唔多行了一個鐘~
但天色實左太差啦, 又落住毛毛雨, 所以影出黎D相唔靚.....真失敗...

因為上次無食到蛋包飯,
所以當從車站前往井之頭公園途中見到"ポムの樹",
我就決定今日LUNCH一定要去試下~

ポムの樹除左有是日精選外, 仲會有三種set供選擇~
因是日精選又係炸野, 所以我就選擇了set B, 白汁菠菜雞蛋包飯~
清清地...SET仲包埋沙律添!!

果然超好食.......尢其個汁好好味.....夠哂CREAMY......但味又唔會太濃.........
雖然飯入面有洋蔥, 但都好好食~HEHE~
仲有, 原來S SIZE都好大份.......我都差點食唔哂呀!!

而琳媽就要左set C 的炸薯餅飯......

相比之下, 對於我黎講, 呢個差太遠啦~
首先, 我真係唔太明日本人食法, 成日將炸好D野, 轉頭又淋番汁料上去.....
整到淋哂, 見到都無胃口食啦~>0<
天婦羅係咁, 普通炸豬扒又係咁, 連薯餅都要係咁!!真奇怪!!!

仲有一樣體貼野未講.....
話說等待期間, 小姐突然拎左兩碗湯比我地....
正當我盤算著"個SET好似唔包湯喎........"
小姐就同我地講, "因出面落緊雨, 所以送兩碗湯比你地暖下個身呀~"
雖然只係一碗好普通的清湯, 但都可以令人很窩心~^0^

食完飯, 係附近的商場行左一陣, 約三點就返回池袋~

好多人都話TOKYOHAND有好多野睇呀...好好玩呀......
講真, 真係一次都無去過....因實在太早OFF啦佢....
難得今日有機會, 當然要去行下, 睇下, 玩下啦~

但.....唔知係咪我期望過高呢......
唔係太覺得好好睇, 好好玩.............
所以..........行左唔夠一個鐘就返酒店休息LU~

接著節目當然係今日0既重頭戲 ~ 《super.mondern.artistic.performance》
有興趣知道小琳與琳媽發生了咩事, 可參考我之前寫的BLOG~
《super‧modern‧artistic‧performance》in Tokyo Dome on 30.09.2008

完成演唱會後, 在人頭湧湧的後樂園慢慢向地鐵站前進.....
在狂風暴雨中, 由9點等到10點, 終於到達車站~
亦都好彩地立即可以上火車~

因太夜又太累的關係, 是日晚餐於松屋解決~
無法~方便嘛~
我最愛食佢地0既燒牛肉SET, 再加多個沙律就正爆啦~

好啦~
係東京玩多一日....就要準備去札幌啦~
好興奮呀~HEHE^^

題外話:
在吉祥寺閒逛途中, 發現了一間很面熟的舖頭~

似唔似美知留做個個髮廊呀???